Ramazanda 15-16 saat susuz qalırıq. Düzgün qidalanmadıqda bu, halsızlıq və qanın qatılaşmasına səbəb ola bilər. Ona görə də imsak və iftarda bəzi vacib qaydalara əməl etmək lazımdır.
🌙 Su balansı necə qorunmalıdır?
- Yayda iftarla imsak arasında ən azı 3 litr, qışda isə təxminən 1 litr çiy su içmək tövsiyə olunur.
- Çay və meyvə şirələri suyun yerini vermir – əksinə, bədəndən su atılmasını sürətləndirə bilər.
- 8-10 stəkan suyu iftarla imsak arasında bölərək için.
- Sahurda maksimum 3 stəkan, iftardan sonra isə hər saat 1-2 stəkan su idealdır.
🥣 Sahurda nələrə diqqət etməli?
- Yağlı, qızartma və duzlu yeməkləri azaldın.
- Pendiri və zeytunu normada yeyin (4-5 ədəd kifayətdir).
- Tərkibində su çox olan qidalara üstünlük verin (xiyar, pomidor, qatıq və s.).
- Çay və qəhvəni minimuma endirin – onlar susuzluğu artırır.
- Sahuru tələsmədən, ən az 20-30 dəqiqəyə yeyin.
🍲 İftarda necə davranmalı?
- Yeməyə şorba və ya dovğa ilə başlayın.
- Əsas yeməyə keçməzdən əvvəl ən az 20-30 dəqiqə gözləyin.
- Şirniyyat əvəzinə sulu meyvələrə üstünlük verin (qarpız, portağal və s.).
⚠️ Unutmayın: Mədə uzun müddət boş qalır. Birdən-birə ağır yemək həm susuzluğu artırır, həm də narahatlıq yarada bilər.
